By: Kevin Pariyar

 केहि समय अगाडिदेखि हाम्रा केहि दाजुभाईहरूले ओरिजिनल नामको नारा लगाउँदै आएका छन् र ओरिजिनल नाम, हिब्रुमूलशब्द र त्यसको प्रयोगको आवश्यक्तालाई निकै जोड दिंदै आएकाछन् । उनीहरूले जोड मात्रै दिएका होइनन् तर निकै ठूलो रडाको मचाएर बिभाजन समेत गरेकाछन् अनि आफ्ना लागि एउटा झूण्ड नै खडा गरेकाछन् । प्रभु येशू ख्रीष्टको नामको बारेमा अध्ययन गर्नु, बुझ्नु र बुझाउनु त आवश्यक कुरा नै हो तर आवश्यक्ताभन्दा धेरैमाथि कुरा गर्नु धेरैलाई दु:ख दिने काम गर्नु हो । यहि गम्भीर बिषयलाई ध्यानमा राख्दै यस अंकमा छोटो टिपणी राख्ने आँट गरेकाछौं । प्रभु येशू मसीहको नाम हामी विश्वासीहरूसँग प्रतक्ष्यरूपले सम्बन्धित रहेकोछ । प्रभु येशूको नाम हामी विश्वासीहरूका निम्ति कति महत्वपूर्ण छ र कसरी हामीसँग सम्बन्धित रहेकोछ भन्ने बारेमा दाजु R.K. Campbell ले यसरी लेखेकाछन् : “यसरी, येशू ख्रीष्ट जो उहाँको अनमोल नाम हो, त्यस नामले उहाँको व्यक्तित्वको सत्यतालाई अविस्मरणीय ढंगले घोषणा गर्दछ। उहाँको कार्य र अधिकारलाई बताउँदछ। अब त्यो नाम उहाँका मानिसहरूलाई नै सुम्पिएको छ। जुन संसारले उहाँलाई तिरस्कार गर्‌यो त्यही संसारमा उहाँका मानिसहरूहरूले उहाँको नामको जगेर्ना गर्नुपर्छ, त्यस नामको महिमालाई कायम गर्नुपर्छ। उहाँको दीब्य नामलाई हामीले मानिसहरूका सामुन्ने स्वीकार गर्नुर्पछ । कहिले पनि इन्कार गर्नुहुँदैन।

धन्यवाद तपाईंहरुसँग आज  एकसाथ हुन पाउँदा म धेरै हर्षित भएको छु |  तपाईंहरु धेरैलाई अनलाइनमा देख्न पाउँदा मलाई धेरै खुसी लागेको छ। मैले यस दिनका लागि धेरै प्रार्थना गरेको थिएँ र आज पनि प्रार्थना गर्दछु कि प्रभुले यस दिनलाई आशिष दिनुभएको होस्। आजको बिषयमा मैले दिन सक्ने सहयोग अर्थात सन्देशमा म येशूआ अर्थात येशू या JESUS बाट शुरू गर्न चाहन्छु। यस कन्फरेन्सको बिशेष उद्देश्य भनेको नै प्रभु येशूका केहि नामहरूको बारेमा चर्चा गर्ने रहेको हुनाले  हामी येशूआ हमाशियाको बिषयमा हेर्नेछौं। यसको नामको अर्थ र यस सुन्दर नामलाई हामीले कसरी प्रयोग गर्ने भन्ने बारेमा रहेको छ| यसका लागि हामी केही परिचायात्मक वचनहरू हेर्नेछौं। प्रभु येशूको  मृत्यु पुनःरूत्थान र स्वर्गमा महिमित भए लगत्तै प्रेरित पत्रुसले यहुदी धर्मगुरु अर्थात अगुवाहरू समक्ष केहि महत्वपूर्ण कुराहरू बताएका थिए ।तपाइले आफ्नो बाइबलमा हेर्न सक्नुहुनेछ। म अहिले प्रेरित ४:११-१३ पदसम्म पड्नेछु। बाइबलका पदहरू उद्दृत गर्ने क्रममा म प्राय जसो New King James Version बाट उद्धृत गर्ने गर्छु ।“यहाँ चाहिँ त्यहि ढुंगा हुनुहुन्छ, जसलाई तपाई डकर्मीहरूद्वारा रद्द गरिनुभएको थियो, जो कुनाको शिर हुनुभएको छ। न ता अरू कसैबाट मुक्ति छ; किनभने स्वर्गमुनी मानिसहरूमाको बीचमा अरू कुनै नाम दिएको छैन, जसद्वारा हामीले मुक्ति पाउनु पर्छ । तर जब तिनीहरूले पत्रुस र यूहन्नाको सहास देखे, र उनीहरू चाहिँ अनपड र अशिक्षित मानिसहरू रहेछन् भनी थाहा पाए, तब छक्क परे; अनि उनीहरूचाहिँ येशूका साथमा रहेछन् भनेर तिनीहरूले उनीहरूलाई चिने।”  जब हामी प्रेरित ४:११-१३ पदलाई पड्छौ, त्यस खण्डमा पत्रुसले केहि महत्वपूर्ण कुराहरू बताएको पाउँछौ। प्रेरित पत्रुसले यहुदी धर्मगुरुहरूलाई यहि कुरा बताईरहेका थिए कि जुन ढुंगालाई उनीहरूले रद्द तुल्याए अहिले त्यहि ढुंगा मूख्य कुने ढुङ्गो बनेको कुरा बताए। यस बचनलाई उधृत गर्दा पत्रुसले भजनसंग्रह ११८ अध्याय लाई उधृत गरेका थिए तर तिनले आफ्नै शब्द र अर्थ लगाएर बुझाएका थिए। “जुन ढुंगालाई डकर्मीहरूले रद्द रगे, त्यहि नै कुनाको शिर ढुंगा हुनुभएको छ । यो परमप्रभुबाट भएको हो; हाम्रो दृष्टिमा यो अदभूत छ। यो दिन परमप्रभुले बनाउनुभएको हो; यसमा हामी रमाउनेछौँ र आनन्दित हुनेछौं।” (भजनसंग्रह ११८:२२-२४) कृपय यी पदहरूलाई तपाई आफैले आफ्नो बाइबलमा हेर्न र अध्ययन गर्न आग्रह गर्दछु। यहाँ पत्रुसले भजनका पुस्तकबाट उधृत गरेका थिए तर तिनले आफ्नै बिशेष शब्दहरू प्रयोग गरेर यी महत्वपूर्ण कुराहरू बताएका थिए। यहाँ पत्रुसले दिएको गवाही चाहिँ  लूकाले दिएको वचनसँग मिल्दछ, किनकि लूका प्रभुका चेला थिए र उनी यहूदी थिएनन् | लूकाले नै प्रेरितको पुस्तक लेखेका हुन्। लूकाले यसरी लेखेका थिए कि जब तिनिहरूले पत्रुस र यूहन्नाको साहसलाई देखे तब तिनीहरू अनपड र अशिक्षित मानिसहरू रहेछन् भनेर थाहा पाए । तब तिनीहरू छक्कै परे; अनि उनीहरू चाहिँ येशूका साथमा रहेछन् भनेर तिनीहरूले उनीहरूलाई चिने। यहाँ पत्रुले दिएको गवाही चाहिँ लूकाले प्रभुका कुराहरूलाई कुन अर्थमा भनेका थिए, त्यहि मुताबिकको गवाही दिएका थिए । लूकाले यी कुरा लेख्दै गर्दा पत्रुस र यूहन्नाको गवाईमा यो कुरा प्रमाणित थियो कि उनीहरु येशूको साथमा थिए भन्ने महसुस गरेका थिए र यस विवरणबाट हामीलाई थाहा लाग्छ कि प्रभु येशूको नाम कति महत्वपूर्ण छ अनि यही महत्वपूर्ण नामको बारेमा आज हामी चर्चा गर्नेछौं । अब हामी पूराना नियमका केही खण्ड र  पदहरुलाई हेर्नेछौं जसले हामीलाई येशू नामको बारेमा बुझ्नलाई सहायता गर्नेछ| 

पहिला प्रस्थान १७:८-९ पदलाई हेर्नेछौं। “अब अमालेकीहरू आए र रपिदीममाईस्राएलीहरूसँग लडाईं गरे | अनि मोशाले यहोशूलाई भने; “हाम्रा निम्प्ति मानिसहरू चुन, र गएर अमलेकीहरूसँग लडाईं गर ! भोलि मा परमेश्वरको लौरो आफ्नो हातमा लिएर पहाडको टाकुरामा उभिनेछु।”  पूरानो नियमको हिब्रु बाइबल ग्रीक भाषामा अनुवाद गरिएको थियो जसलाई सेप्तुअजिण्ट (Septuagint ) भनिन्छ। ई०स०  ७० तिर नै अनुवाद भएको थियो किनभने इतिहासले बताउँछ कि करिब 70 जना विद्वानहरुले सकली हिब्रुको पूरानो नियमलाई त्यसबेलाको चल्ती भाषा ग्रीकमा अनुवाद गरेका थिए । ग्रिक भाषा सम्पूर्ण रोमी साम्राज्य भरि नै चल्तिमा थियो। त्यस समयमा धेरै यहूदीहरु प्रवासमा रहेका थिए भनौँ उनीहरु ईस्राएलको भूमि बाहिर बासोबास गरिरहेका थिए अनि  उनीहरुले बाइबलका हिब्रु अक्षरहरु पड्न सक्दैन थिए। यसैकारण उनीहरूले यो हिब्रु  बाइबललाई ग्रीकमा अनुवाद गरी उनीहरुका लागि उपलब्ध गराउने निर्णय गरे। यसै मार्फत अर्थात् ग्रीक भाषाकै माध्यमबाट परमेश्वरको वचनको सन्देश गैर यहूदीहरु तथा अन्य जातिहरु कहाँ  पुर्र्याउनलाई परमेश्वरले प्रयोग गर्नुभयो। ग्रीक भाषालाई प्रयोग गरेर नै आज परमेश्वरको बचनको सन्देश संसारभरि प्रचार प्रसार भएकोछ। अब मेरो भन्नुको अर्थ के हो भने प्रस्थान १७:८-९  पदमा जुन यहोशूको नाम उल्लेख छ त्यो हिब्रुको यहोशू नामलाई ग्रीकको सेप्तुअजिन्टमा “येशूस” भनेर अनुवाद गरिएको छ। यो अनुवाद गर्ने काम प्रभु येशूको जन्म हुनुभन्दा धेरै वर्ष पहिला नै अनुवाद भएकोथियो। यसकारण यस नामलाई ग्रीकमा येशूस भनिन्थ्यो भने अंग्रेजीमा जिजस भनिन्छ। उदाहरणका लागि मत्ती १:२१ लाई हेर्नुहोस जसलाई हामी पछि अझ विस्तृत रुपमा हेर्नेछौं।

 याद गर्नुहोस् कि यहोशूको नाम पनि वस्तवमा योसिया चाहिँ थियो जसको अर्थ उद्धार भन्ने हुन्थ्यो अनि त्यहि नामलाई पछि मोशाले बद्लाएर  यहोशू बनाएका थिए जसको अर्थ चाहिँ परमेश्वर उद्धार हुनुहुन्छ भन्ने हुन्छ ।गन्ति १३:१६-१७ मा हेर्नुहोस्। “यी ती मानिसहरूको नाम हो,जसलाई मोशाले त्यस देशको जासुसी गर्न पठाए। अनि नुनका छोरा होशेको नाम मोशाले यहोशू राखे।” यहि यहोशू नाम पूरानो नियमको अर्थात हिब्रु बाइबलको अन्ततिर उल्लेख भएको पाइन्छ।  तर यहाँ उल्लेख भएका व्यक्ति चाहिँ नूनका छोरा यहोशू थिएनन् तर एक मूख्य पूजाहारी थिए। कृपया जकरिया ३:१ पदलाई हेर्नुहोस्। “अनि उहाँले मलाई परमप्रभुका दूतको सामु महापूजाहारी यहोशूलाई उभिरहेका, र उनकै दाहिने हातपट्टी उनलाई विरोध गर्न शैतानलाई उभिरहेको देखाउनुभयो।”  यस आध्यायका केही पदहरू पछि अर्थात अलि तल ९ पदमा यसरी लेखिएको छ,“किनभने मैले यहोशूको सामु राखिदिएको त्यो ढुंगा हेर! त्यस एउटा ढुंगामाथि सातवाटा आँखा छन्; हेर म त्यसको लेख खोपिदिनेछु, सेनाहरूका परमप्रभु भन्नुहुन्छ, अनि त्यस देशको अधर्म म एकै दिनमा हटाईदिनेछु।”  यी दुवै पदमा सेप्तुअजिण्ट (Septuagint) अनुवादमा हिब्रुको यहोशू नामलाई ग्रीकमा येशूस (IESOUS)  भनेर नै अनुवाद गरिएको छ जसलाई हामी अंग्रेजीमा जिजस (JESUS) भन्छौं। अन्तमा जकरिया ६:९-११मा  पनि यो नामको प्रयोग भएको पाउँछौं। “अनि परमप्रभुको यसो भन्ने वचन मकहाँ आयो: कैदमा लगिएकाहरूबाट, जो बाबेलबाट आएका हुन्, अर्थात हेल्दै,तोबियाह र यदायाहबाट दान लेऊ ! अनि त्यहि दिन तिमी चाहिँ आऊ र सपन्यका छोरा योशियाको घर भित्र पस। तब चाँदी र सुन लेऊ, मुकुटहरू बनाऊ र यहोशादाका छोरा यहोशूको शिरमाथि लगाइदेऊ।”   यहाँ पनि पुरानो नियमको ग्रीक अनुवादमा यहि हिब्रुको यहोशू नामलाई येशूस (IEOUS) भनेर नै राखिएको छ। त्यहि हिब्रुको यहोशू ग्रीकमा अनुबाद गर्दा येशूस बनेको थियो अनि यसैलाई अंग्रेजीमा अनुबाद गर्दा JESUS भएको हो। यसरी नामलाई जसरी प्रयोग गरिएको भएतापनि व्यक्ति भने एउटै व्यक्तिलाई देखाइएको हो अर्थात एउटै एउटै व्यक्तिलाई संकेत गरिएको हो। यहाँ उल्लेखित नाम अथवा जकरियामा उल्लेख गरिको सन्दर्भ भने अलिक फरक व्यक्तिको बारेमा भनिएको थियो। यो मुख्य पुजारीको कुरा थियो। जकरियामा उल्लेख गरिएको यहोशू प्रभु यशुको नाम को अर्थ बाट अलग हो भन्ने बुझ्नुपर्छ। यसैकारण हाम्रा प्रभुको नाम पनि हिब्रुमा येशूआ थियो, त्यस नामलाई ग्रीकमा अनुवाद गर्दा येशूस (IESOUS) भयो अनि पछि अंग्रेजीमा अनुवाद गर्दा JESUS भनेर अनुवाद गरिएको छ । 

अब कतिले यसो भन्ने कडा अभिव्यक्ति दिएका छन् कि ख्रीष्टियनहरुले केवल येशूआ  भनेर मात्र सम्बोधन गर्नुपर्छ । येशूस, येशू र  जिजस भनेर होईन । यसैकारण यस कन्फरेन्समा हामी पवित्र शास्त्रसँग मिल्दो अभिव्यक्ति दिन चाहन्छौं अनि स्पष्ट र परमेश्वरको वचनमुताबिकको अभिव्यक्ति दिन चाहन्छौं ताकि यस्ता झूटा र गलत किसिमका अभिव्यक्तिहरूबाट हामी बाँच्न सकेका हौँ अनि यसबाट उत्पन्न भएका अनेक शंका र प्रश्नहरूलाई हाम्रा दिमागबाट हटाउन सकेका हौँ ।

 अब हाम्रो लक्ष्य भनेको फेरि पावलले दिएको अभिव्यक्तिलाई हेर्ने हो जो रोमी १०:९-१२  पदमा उल्लेख छ। “यदि तिमीले आफ्नो मुखले प्रभु येशूलाई स्वीकार गर्यौं भने, र परमेश्वरले उहाँलाई मरेकाहरूबाट बौराएर उठाउनुभयो भनी आफ्नो हृदयमा विश्वास गर्र्यौं भने, तिमीले मुक्ति पाउनेछौ । किनकि धार्मिक्ताका निम्ति हृदयले विश्वास गरिन्छ, र मुक्तिका निम्ति मुखले स्वीकार गरिन्छ। किनकि पवित्र शास्त्रले भन्दछ : उहाँमाथि विश्वास गर्ने हरेक शर्मामा पर्ने छैन। किनकि यहूदी र ग्रीकमा कुनै भिन्नता छैन; किनकि उहाँ, जो सबका प्रभु हुनुहुन्छ, आफुलाई पूर्कार्नेहरूका निम्ति धनवान हुनुहुन्छ।” रोमी १०:९-१२  ले स्पष्ट ढंगले बताएको छ अनि यसलाई  अर्को शब्दमा भन्नुपर्दा यसलाई यसरी बुझ्न सकिन्छ कि ख्रीष्टमा  विश्वास गर्ने हरेक साँचो विश्वासीलाई चाहिँ उसले हृदयमा जे कुरालाई विश्वास गर्छ र आफ्नो मुखले स्वीकार गर्छ भन्ने कुराले चित्रण गरेको हुन्छ। यहाँ बाह्य जो  मुखको स्वीकार हो त्यो चाहिँ हृदयले विश्वास गर्ने भित्रि कुरासँग बिशेष सम्बन्ध राखेको हुन्छ । यसले शास्त्र भएको एउटा महत्वपूर्ण सिद्धान्तलाई प्रस्तुत गर्दछ। हाम्रो विश्वास भनेको मुखको स्वीकारले र हृदयको विश्वासले चिनिने कुराको सिद्धान्त यहाँ देखिन्छ। 

यद्यपि केही मानिसहरुले यस्तो अभिव्यक्ति दिन्छन् जुन अभिव्यक्तिले धेरैलाई दुःख दिएको छ जसले यसो भन्ने गरेका छन् कि येशूआ भनेर पुकारा गर्नेले मात्र मुक्ति पाउँछ।उनीहरूको भनाई अनुसार येशूआ  नभन्ने  कुनै पनि व्यक्ति बाँचेको छैन। उनीहरुले यसो पनि भन्ने गरेका छन् कि हामीले प्रभुलाई जहिले पनि येशूआ  भनेर नै सम्बोधन गर्नुपर्छ।हामीले हाम्रो मण्डलीका सभाहरुमा पनि उहाँलाई येशूआ नै भनेर सम्बोधन गर्नुपर्छ भन्छन्। यद्यपि यस्ता अभिव्यक्तिहरूले पवित्र शास्त्रको जाँचलाई उत्तिर्ण गर्दैनन् अर्थात यस्ता अभिव्यक्तिहरु पवित्र शास्त्र को मर्मसँग मेल खाँदैनन् ।अब तपाईंले नयाँ नियमबाट हेर्नुभयो भने यो देख्नुहुन्छ कि नयाँ नियम मत्ती १:१ बाट सुरु हुन्छ अनि मत्ती  एक अध्याय को अन्तमा हामी मसिहाको जन्मको बारेमा पढ्न पाउँछौं | “अब्राहामका पुत्र, दाऊदका पुत्र येशू ख्रीष्टको वंशावलीको पुस्तक।” यस कुराको व्याख्या गर्ने क्रममा म मशिहा  नामको पनि चर्चा गर्न चाहन्छु।  मसाइया शब्द हिब्रुको मशिहा बाट आएको हो। यसलाई अंग्रेजीकरण गर्दा ग्रीकको समानरुप ख्रीष्टतोष (Christos) बाट ल्याइएको हो जसको अर्थ अभिषिक्त जन भन्ने हुन्छ। अभिषेकको बारेमा अर्को एउटा महत्वपूर्ण कुरालाई पनि हेरौं। नयाँ नियममा प्रभु येशूलाई बप्तिष्मा दिने यूहन्नाले बप्तिषमा दिएको समयमा नै प्रभु येशू  पवित्र आत्माबाट अभिषेक हुनुभएको थियो।पछि पत्रुसले यो अभिषेक कसरी भएको थियो भनेर विस्तृत विवरण दिएका छन्। “नासरतका येशूलाई परमेश्वरले पवित्र आत्मा र शक्तिले अभिषेक गर्नुभयो : उहाँ भलाई गर्दै र शैतानद्वारा सताइएका सबैलाई निको पार्दै चारैतिर घुम्नुभयो, किनकि परमेश्वर उहाँसँग हुनुहुन्थ्यो।” (प्रेरित १०:३८)  प्रभु येशूको मृत्यु र पुनरुत्थान भए लगत्तै  महिमामा विराजमान भएपछि फेरि अभिषेक हुनुभयो। अहिले उहाँ स्वर्गमा हुन्छ जसरी पत्रुसले प्रेरित २:३६ मा वर्णन गर्दछन्। “यसकारण इस्राएलको सर घरानाले यो कुरा जानोस्, कि जुन येशूलाई तपाईंहरूले क्रूसमा टाँग्नुभयो, उहाँलाई नै परमेश्वरले ‘प्रभु’ र तुल्याउनुभएको छ ।” 

अझ धेरै कुरा चाहिँ हिब्रु १:९ मा भजनसंग्रह ४५ लाई  उद्धृत गरिएको छ जहाँ यस विषयको महत्वलाई अझ धेरै जोड्  दिएको छ। यद्यपि भजनका लेखकलाई उनले कसको बारेमा लेखेको उनलाई थाहा थिएन जब उनले यी कुराहरु लेखिरहेका थिए। तथापि यस वचनले महिमित मसीहको बारेमा बोलिएको भविष्यवाणीलाई पूरा गरेको थियो। तर यस कुराले उहाँ धर्तीमै  महिमित हुने कुरा बताएको थिएन तर स्वर्गमा महिमित हुने कुरा बताएको थियो। तर एउटा समय आउनेछ जब उहाँ यस संसारमा पनि एउटा महिमित मशिह भएर आउनुहुनेछ। कलसी 3:4 “जब ख्रीष्ट, जो हाम्रा जीवन हुनुहुन्छ, प्रकट हुनुहुनेछ, तब तिमीहरू पनि महिमामा प्रकट हुनेछौ ।” अनि प्रकाश १९:११-१६ मा पनि यस्तो लेखिएको छ। “अनि मैले स्वर्ग खोलिएको देखें, अनि हेर -एउटा घोडा; अनि त्यसमाथि बस्नुहुनेचाहिँ विश्वासयोग्य र सत्य भानिनुहुन्छ, अनि उहाँले धार्मिक्तामा न्याय ल लडाईं गर्नुहुन्छ । उहाँका आँखाहरू आगोका ज्वाला जस्तै थिए, र उहाँको शिरमाथि धेरै मुकुटहरू थिए; जसलाई उहाँले बाहेक अरू कसैले जान्दैनथियो । अनि उहाँले रगतमा चोपिएको पोशाक पहिरिनुभएको थियो; अनि उहाँको नाम परमेश्वरको वचन भनिन्छ ।अनि सेता र शुद्ध मिहिन मलमलका बस्त्र पहिरेका स्वर्गमा भएका सेनाहरू सेता घोडाहरूमा उहाँका पछि लागे । अनि यहि तरवारले उहाँले जाति जातिलाई हिर्काउन भनेर उहाँको मुखबाट एउटा लाग्ने तरवार निस्कन्छ; अनि उहाँले फलामको डण्डाले तिनीहरूमाथि शासन गर्नुहुनेछ; अनि उहाँले सर्वशक्तिमान परमेश्वरको भयानक रिस र क्रोधको मद्ध्यको कोल कुल्चिमिल्ची गर्नुहुनेछ । अनि उहाँको पोशाक र उहाँको तिघ्रा ‘राजाहरूका राजा, र प्रभुहरूका प्रभु’ भन्ने एउटा नाम लेखिएको छ ।”  यसको अर्थ  हामी पनि प्रभुसँग महिमित हुनेछौं अनि उहाँ स्वयं पनि सार्वजनिक रुपले महिमित हुनुहुनेछ। यो थियो ख्रीष्टको नामको महत्वको बारेमा छोटो जानकारी ।अब हामी मत्ती मै फर्केर जाओं।

 अब मत्ती १ अध्याय को अन्तमा अर्थात १६ पदमा प्रभु येशूको  वंशावलीको कुरा उल्लेख छ। “अनि मरियमका पति यूसूफलाई जन्माए, जुन मरियमबाट ख्रीष्ट भानिनुहुने येशू जन्मनुभयो ।” यस पदमा ग्रीकको स्त्रीवाचक नाम प्रयोग भएको छ जसले मरियमलाई संकेत गरेको थियो जसबाट ख्रीष्ट भनिने येशूको जन्म भएको थियो।यहाँ हामीले दुईवटा नामलाई पाउँदछौं। कृपय मत्ती १:१८-२५ लाई पनि पड्नुहोस। यहाँ मत्ती १:१८ मा येशूको जन्मको उल्लेख छ। “अब येशू ख्रीष्टको जनमा यस प्रकारले भयो -उहाँकी आमा मरियमको मगनी यूसुफसँग भएपछि, उनीहरू सँगै बस्नुभन्दा पहिल्यै उनीचाहिँ पवित्र आत्माबाट गर्भवती भएकी थिइन् ।तर उनका पति युसुफ एक धर्मी मानिस भएका हुनाले र जनताका सामु उनलाई प्रकट गर्न नचाहेका हुनाले उनलाई गुप्तमै त्यागि दिने बिचार गरे।तर जब तिनले यी कुराहरू बिचार गर्दै थिए, तब हेर, सपनामा प्रभुका दूत तिनीकहाँ यसो भन्दै देखा परे; यूसुफ दाऊदका छोरा, आफ्नी पत्नी मरियमलाई आफूकहाँ ल्याउनलाई नडराऊ, किनकि जो उनको गर्भमा हुनुहुन्छ उहाँ चाहिँ पवित्र आत्माबात हुनुहुन्छ । अनि उनले पुत्र जन्माउनेछन र तिमीले उहाँको नाम येशू राख्नु किनभने उहाँले आफ्ना जनहरूलाई तिनीहरूका पापबाट मुक्त गर्नुहुनेछ । अब प्रभुले भविष्यवक्ताद्वारा भन्नुभएको कुरा पूरा होओस् भनेर यो सब भएको थियो।हेर कन्य गर्भवती हुनेछिन् र एउटा पुत्र जन्माउनेछिन्, अनि तिनीहरूले उहाँको नाम इम्मनुएल राख्नेछन् जसको अर्थ हो, ‘परमेश्वर हामीसित ।” यो वचन यशैया ७:१४ बाट उद्धृत गरिएको हो। फेरि एकपटक  म तपाईंहरूको ध्यान मत्ती १:२१ मा खिच्न चाहन्छु।जहाँ यसरी लेखिएको छ, “उनले पुत्र जन्माउनेछन र तिमीले उहाँको नाम येशू राख्नु किनभने उहाँले आफ्ना जनहरूलाई तिनीहरूका पापबाट मुक्त गर्नुहुनेछ। उहाँले उद्धार गर्नुहुनेछ अर्थात बचाउनुहुनेछ भन्ने अर्थ राख्ने हिब्रुको शब्द योशिया हो। यसकारण शब्दहरूले कस्तो अर्थ राख्छन् भनेर ध्यान दिनु पनि एउटा चाखलाग्दो बिषय नै हो। हिब्रुमा उहाँको नाम येशूआ हो अनि उहाँको कामको अर्थ जनाउने शब्द चाहिँ योशिया हो। यसरी यी दुवै शब्दहरू आपसमा धेरै नजिकको सम्बन्ध राख्ने शब्दहरू हुन्। यहाँ येशूआ नामपद हो भने योशिया क्रिया पद हो ।यसरी प्रभु येशूको नाम र जन्म दुवै एउटा अदभूत घट्नाक्रम थियो।  यो कुरा वस्तवमा उत्पति ३:१५ मा जुन भविष्यवाणी गरिएको थियो त्यसैको पूर्णता थियो ।किनभने उत्पतिमा यस्तो लेखिएको थियो : “अनि तेरो र त्यस स्त्रीको बीचमा, अनि तेरो सन्तान र त्यसको सन्तानको बीचमा  म दुश्मनी हाल्नेछु; उसले तेरो टाउको कुच्याउनेछ, र तैले त्यसको कुर्कुच्छो दस्नेछस् ।” यो भविष्यवाणी ४००० बर्ष पछि पूरा भयो जब प्रभु येशूले मरियमको कोखमा एक अदभूत जन्म लिनुभयो र मशिहाको जन्ममा यो कुरा पूरा भएको देख्छौं। अब हामी फेरी मत्ती १:२४-२५ लाई हेरौं जहाँ यसरी लेखिएको छ। “तब यूसुफले निन्द्राबाट बिउँझेर प्रभुका दूतले तिनलाई आज्ञा दिएमुताबिक गरे, र आफ्नी पत्नीलाई आफूकहाँ ल्याए। अनि जबसम्म उनले आफ्ना जेठा छोरालाई जन्माइनन्, तबसम्म उनीसँग सहबास गरेनन्। अनि तिनले उहाँको नाम येशू राखे।” कृपय मैले अघि भनेका कुराहरूलाई ध्यान दिनुहोस् कि प्रभु येशूको नाम येशूआ अर्थात येशूस र JESUS हो । यी नामहरू बिभिन्न भएता पनि अर्थात बिभिन्न भाषामा भिन्न भिन्नै किसिमले भने त पनि यी नामहरू एउटै व्यक्तिलाई दिएका नाम हुन् र यी सबै नामले उही एउटा व्यक्ति प्रभु येशूलाई देखाउँने र बुझाउने नाम हुन् । यी नामको फरकरुप भए पनि उहाँ उही व्यक्तिलाई संकेत गरिएको हो। 

अब हामीले पडेको अदभूत कथा जो हामीले मत्ती १ अध्यायमा पढेकाछौं त्यो कथा मत्ती २ अध्यायमा निरन्तर हुन्छ, किनभने मत्ती २:१ मा हामी यसो भनेर लेखिएको पाउँछौं। “अब हेरोद राजाको समयमा यहूदियाको बेथलहेममा येशू जन्मनुभएपछि हेर, पूर्वबाट ज्योतिषीहरू यरूशालेममा यसो भन्दै आए: यहूदीहरूका राजा, जो जन्मनुभएको छ, कहाँ हुनुहुन्छ ? किनभने पूर्वमा हामीले उहाँको तारा देख्यौं र उहाँलाई दण्डवत गर्न आएकाछौं।”  यहाँ हामी देख्दछौं कि प्रभु येशू जन्मदै यहूदीहरूका राजा भएर जन्मनु भएको थियो। सामान्यतय राजाको पदमा राज्यभिषेक हुनलाई पहिला राजकुमार भएर जन्मनु पर्छ ।त्यस पछि उनलाई राजा घोषणा गरिन्छ। यसरी बेबिलोनबाट आएका ज्योतिषीहरू अर्थात ज्ञानी मानिसहरूले दानिएलको पुस्तक पढेर राजाको जन्म कहाँ हुन्छ र कुन समयमा हुन्छ भनेर समय र स्थान दुवै थाहा पाएका थिए। पड्नुहोस् दानिएल ९:२४-२६ पदलाई। “तिम्रा मानिसहरू र तिम्रो पवित्र शहरका निम्ति सत्तरी हप्ता तोकिएकाछन् -अपराध समाप्त गर्न, पापहरूको अन्त गर्न, अधर्मका निम्ति प्रायश्चित गर्न, अनन्त धर्मिक्ता ल्याउन र परमपवित्रलाई अभिषेक गर्नका निम्ति । यसकारण जानिराख, र बुझ: यरूशलेमलाई पुनस्थापित गर्ने र निर्माण गर्ने आज्ञा निस्केको समयदेखि मसीह ती प्रधानको समयसम्म सात हप्ता र बासठी हप्ता हुनेछन् ; अहँ ती संकष्टका समयहरूमा सडक र पर्खाल फेरी बनाईनेछ । अनि बासठी हप्तापछि “मसिह” काटिनुहुनेछ तर आफ्नो निम्ति होइन; अनि त्यस आउनेवाला प्रधानका मानिसहरूले यो शहर र यो पवित्रस्थान नाश गर्नेछन्; अनि त्यसको अन्तचाहिँ बाडद्वारा हुनेछ, र लडाईंको अन्तसम्म उजाड नै उजाड तोकिएकाछन् ।”  यस पदले उहाँको आगमनको समयलाई सनत गरेको थियो। तपाईलाई थाहा छ होला कि एउटा समय थियो एउटा समय थियो जतिखेर दानिएलले धेरै ज्ञानी मानिसहरूको ज्यान बचाएका थिए। दानिएल १ र २ अध्यायमा यो कुरा उल्लेख छ । यसकारण यी ज्योतिषीहरू जो बेबिलोनबाट आएका थिए, उनीहरूलाई दानिएलले मसीहको जन्म कहाँ र कहिले हुनेछ भनेर पूर्ण जानकारी दिएका थिए । उनीहरूले पूर्वमा तारा देखे अनि त्यहाँबाट निश्चित गरेको कि दानिएलले लेखेको भविष्यवाणी पूरा भएको देखे किनभने दानिएल ९ अध्यायबाट यो त्यहि समयको कालखण्डमा थियो भनौ त्यहि अवधिमा मसिह को जन्म हुने कुरा उनीहरूले बुझेका थिए।यसैकारण उनीहरूले नयाँ गरेर जन्मनुभएको राजालाई दण्डवत गर्ने निर्णय गरे। तर त्यसको ठीक बिपरित कुरा चाहिँ के थियो भने यहूदी धर्मगुरुहरू जसले धर्मशास्त्र जानेका थिए र इस्राएलका राजाको जन्म बेथलहेममा हुन्छ भनेर बुझेका थिए तर पनि उहाँलाई दण्डवत भने गर्न चाहेनन् । 

अब मसिहको आगमन र जन्मको बारेमा हेरिसकेपछि हामी अलि अगाडि बढौं। यस अदभूत  घटनाक्रम पछि भनौ ३० वर्षपछि जब प्रभु येशूले आफ्नो सार्वजनिक सेवालाई शुरू गर्नुभयो, त्यस समयमा उहाँले बप्तिष्मा दिने यूहन्नाबाट बप्तिष्मा लिनुभयो र पवित्र आत्मा बाट अभिषिक्त हुनुभयो। मत्ती ३:१६ “ अनि बप्तिष्मा लिएर येशू तुरून्तै पानीबाट माथि निस्किनुभयो; अनि हेर उहाँका निम्ति स्वर्ग खोलियो, अनि उहाँले परमेश्वरका आत्मालाई ढुकुरझैँ ओर्लदै गर्नुभएको र आफूमाथि आउँदै गर्नुभएको देख्नुभयो ।”  यस खण्डले हामीलाई अर्को विषयको परिचय दिन्छ अनि म प्रभु येशूको पुत्रत्वको बारेमा केहि  कुरा बताउन चाहन्छु। 

पुत्रको व्यक्तित्व 

यसकारण हामीले यो ख्याल गर्नुपर्छ कि उहाँको सिद्ध मानवतालाई उहाँको ईश्वरत्वबाट कहिले पनि अलग गर्न सकिन्दैन, किनभने मत्ती ३:१७ मा हामी यसरी लेखिएको पाउँदछौं । “अनि हेर, स्वर्गबाट एउटा आवाज आयो, जसले भन्यो, ‘यिनी मेरा प्रिय पुत्र हुन्, जससँग म अत्यन्तै प्रशन्न छु।”  यसरी परमेश्वरका पुत्रको वस्तविकतालाई पछि पावलले पुष्टि गरेका छन्, जब उनले  फिलिप्पीका विश्वासीहरूलाई ईश्वरीय रहस्यको बारेमा पत्र लेखे। फिलिप्पी २:६-११ “जसले परेश्वर कै स्वरूपमा हुनुभएकोले परमेश्वर संग बराबरी हुनलाई लूटको माल सम्झनुभएन, तर आफैलाई रित्तो पार्नुभयो, र दासको रुप धारण गरेर मानिसहरूको समानतामा हुनुभयो; अनि मानिसजस्तो रूपमा प्रकट भएर उहाँले आफुलाई नम्र तुल्याउनुभयो; र मृत्युसम्म, अहँ क्रूसको मृत्युसम्म आज्ञाकारी हुनुभयो । यसैकारण परमेश्वरले पनि उहाँलाई अति उच्च पार्नुभयो, जो हरेक नामभन्दा उच्च छ; र स्वर्गमा, पृथ्वीमाथि र पृथ्वीमनि हुनेहरूको हरेक घुँडा येशूको नाममा तेकिनुपर्छ; र पिता परमेश्वरको महिमाका लागि हरेक जिब्रोले ‘येशू ख्रीष्ट नै प्रभु हुनुहुन्छ’ भनी स्वीकार गर्नुपर्छ ।” यसलाई अर्को अर्थमा भन्ने हो भने येशू नै परमेश्वर हुनुहुन्छ उहाँ सधै नै परमेश्वरको स्वरुपमा अवस्थित हुहुनहुन्थ्यो। जब उहाँ मानिस बनेर आउनुभयो जो पहिला कहिल्यै पनि मानिस भन्नुभएको थिएन त्यस समयमा पनि उहाँले आफ्नो ईश्वरत्वलाई कहिल्यै गुमाउनु भएन। उहाँ अनन्तसम्म परमेश्वर र मानिसको व्यक्तित्वमा एक व्यक्ति भएर रहनुहुनेछ किनभने यूहन्ना १:१४ ले  हामीलाई यसरी बताउँदछ कि “अनि वचन शरीर हुनुभयो, अनि हाम्रा माझमा अनुग्रह र सत्यताले पूर्णभएर वास गर्नुभयो, अनि हामीले पिताको एक मात्र जन्माइएको पुत्रको महिमाजस्तो उहाँको महिमा देख्यौं।”  उहि व्यक्तिको आगमनको बारेमा लूकाको सुसमाचारमा अझ धेरै विस्तृत जानकारी दिएको छ। म  तपाईंलाई खण्डमा राम्ररी  ध्यान लगाउनलाइ आग्रह गर्दछु। गाब्रिएल स्वर्गदूतले कन्या मरियमलाई भने, “नडराऊ, मरियम; किनकि तिमीले परमेश्वरबाट कृपा पाएकी छौ । अनि हेर, तिमीले गर्भधारण गर्नेछौ, र एउटा छोरा जन्माउनेछौ, र तिमीले उहाँको नाम येशू राख्नु । उहाँ महान हुनुहुनेछ र परमप्रधानका पुत्र कहलिनु हुनेछ; अनि प्रभु परमेश्वरले उहाँलाई उहाँका पिता दाऊद सिंहासन दिनुहुनेछ ।”  उहाँको जन्म र मरण अर्थात दु:ख बारेमा धेरै विवरणहरू उल्लेख छन् तर अहिले लूका २:२१ लाई हेर्नछौं। …. “अनि बालकको खतना हुनका निम्ति आठदिन पूरा भए पछि उहाँको नाम येशू राखियो, जो चाहिँ उहाँ गर्भमा आउनुभन्दा पहिला नै स्वर्गदूतद्वारा राखिएको थियो ।” यसकारण यस नाममा अर्थात यस नामको प्रयोगमा कुनै गल्ति भएको छैन जो पूरानो नियम मै उल्लेख थियो । यस नामलाई येशूआ भने पनि येशूस भने पनि JESUS भने पनि कुनै गल्ति हुँदैन किनभने यसलाई पूरानो नियमको हिब्रु बाइबलको ग्रीक अनुबादमा पनि यसरी नै येशूस भनेर राखिएको छ। 

अब म केहि निष्कर्षका वचनहरू बोलेर बन्द गर्नेछु ।

जब हामी JESUS अथव येशूआ भनेर कुरा गर्दछौं, त्यसबेला हामीले यो ख्याल गर्नु पर्दछ कि हामीले त्यस समयमा परमेश्वरका पुत्रको बारेमा कुरा गरिरहेका हुन्छौं जो परमेश्वरका अनन्त पुत्र हुनुहुन्छ । गलातीका विश्वासीहरूलाई यहूदीमतको कुरा सिकाएर भड्काउने अगुवाहरूको बारेमा पावलले यसरी लेखेकाछन्। “तर जब समय पूराभयो, तब परमेश्वरले आफ्ना पुत्रलाई पठाउनुभयो, जो स्त्रीद्वारा जन्मनुभयो ,व्यवस्थाको अधीनतामा जन्मनुभयो -हामी धर्मपुत्र हुन पाओं भनेर यस व्यवस्थाको अधिनतामा भएकाहरूलाई दाम तिरी छुटकारा दिनालाई जन्मनुभयो । अनि तिमीहरू पुत्र भएका हुनाले परमेश्वरले ‘हे अब्बा ,हे पिता भन्दै पूकारने आफ्नै पुत्रको आत्मा तिमीहरूका हृदयभित्र पठाउनुभएको छ ।” (गलाती ४:४-६) यी अगुवाहरूले आजका दिनका मानिसहरूले जस्तै  हामीले पनि येशूआ नाम मात्र प्रयोग गर्नुपर्छ भनेजस्तै यहूदीमतका कति कुरा पालन गरेर मात्र हाम्रो मुक्ति हुन्छ भनेका थिए । यहाँ पावलले हाम्रो अदभूत प्रकाश र सौभाग्यको विवरण दिंदै पावलले हिब्रु शब्द ‘अब्बा’ लाई प्रयोग गरेकाछन् अनि यस्ता हिब्रु शब्दहरूलाई प्रयोग गर्नुहुँदैन भनेर बन्देज लगाएका छैनन् तर त्यसको लगत्तै उनले ग्रीक शब्द पातर अर्थात अंग्रेजीमा फादर भनेर पनि प्रयोग गरेका छन् जो हाम्रो नेपाली भाषामा पिता भनेर अनुबाद गरिएको छ। यसरी हिब्रु, ग्रीक र अंग्रेजीका शब्दहरूलाई एकैसाथ प्रयोग गरिन सकिने यो एउटा बिशेष उदाहरण हो । तर कुनै पनि भाषाको शब्दावली र भाषालाई नै बहिष्कार गर्नुहुँदैन अथव निषेधित गर्नुहुँदैन । यसको अर्को अर्थमा भन्नुपर्दा आजका दिनमा पनि त्यहि सिद्धान्त लागू हुँदछ जब हामीले हाम्रा मुक्तिदाताको नामको बारेमा कुरा गर्दा हामीले येशूआ भन्न सक्छौं, येशूस भन्न सक्छौं अनि JESUS भन्न सक्छौं। परमेश्वरको अनुग्रह हामी सबैकहाँ देखा परेकोछ जुन अनुग्रहको युगले अहिलेको समय अवधिलाई चित्रण गरेको छ। प्रेरित २ अध्यायमा जब पवित्र आत्मा आउनुभयो र मण्डलीको समय सुरुभयो त्यस समयदेखि अहिलेसम्म अवस्थित रहेकोछ। यो अनुग्रहको समय प्रभुको आगमनसम्म जानेछ र प्रभुको आगमनले यस समयलाई बन्द गर्नेछ। (१ थिस्सलोनी ४:१४-१८)  यसमा अझ थप कुरा के छ भने परमेश्वरको अनुग्रहले परमेश्वरको सत्यतालाई कायम गरेको छ। यसले कहिल्यै पनि कुनै कुरामा सम्झौता गरेको छैन। यसैकारण परमेश्वरको सत्यातालाई अनुग्रहले सम्हाली राखेको हुनुपर्छ । “किनकि मुक्ति ल्याउने परमेश्वरको अनुग्रह सबै मानिसहरूकहाँ देखा परेको छ र हामीलाई यो सिकाउँछ- अभाक्ति र सांसारिक अभिलाषाहरू ईन्कार गरेर यस वर्तमान संसारमा हामीले आत्मासंयम, धार्मिक्ता र भक्तिसाथ जिउनुपर्छ; र त्यस धन्यको आशाको, र हाम्रा महान परमेश्वर र मुक्तिदाता येशू ख्रीष्टको महिमापूर्ण आगमनको बाटो हेर्दै जिउनुपर्छ ।” (तितस २:११-१३) 

 हिब्रुको पत्रिमा JESUS नाम ( ग्रीकको येशूस ) १४ पटक जति दोहोरिएको छ, जुन नामले एउटा समयमा मोशाका दास यहोशूलाई देखाएको थियो । (हिब्रु ४:८) अनि अरू समयमा चाहिँ यस नामले हाम्रा प्रभु येशू ख्रीष्टलाई देखाउँदछ। यसले यो पनि संकेत गरेकोछ कि ग्रीकको येशूसले भिन्न भिन्न व्यक्तिलाई संकेत गरेको पनि देखाउँछ। तर सन्दर्भलाई हेरेर मात्र हामीलाई थाहा लाग्छ कि कुन नाम कुन व्यक्तिको बारेमा बताइएको हो भनेर। जस्तो हामीले प्रस्थान र जाकारियको पुस्तकबाट अघि नै हेरिसकेका छौं। उचारण फरक भयो भन्दैमा एउटा भाषाको शब्दलाई भनौ अरू भाषाको प्रभुको नाम JESUS लाई अयोग्य ठहराउन मिल्दैन र येशूआ मात्र भनेर भन्नुपर्छ भनेर दाबी पनि गर्नु हुँदैन । किनभने यी सबै नामहरू JESUS / येशूस अर्थात येशूआ नामले एउटै व्यक्तिलाई संकेत गरेकोछ। येशूआ हामाशिया भनेको येशू मसिह भनेको हो । येशू परमेश्वरका पुत्र भनिएको हो। हामीले यस्ता भिन्नताहरू खडा गरेर परमेश्वरका मानिसहरूमाझमा बिभाजन सृजना गर्न दिनुहुँदैन । हामीले यो ख्याल गर्नुपर्दछ कि पवित्र आत्माले जहिले पनि परमेश्वरको बिचार अनुसार मेलमिलाप गर्न चाहनुहुन्छ। एक गराउन चाहनुहुन्छ। तर शरीरले बिभाजन ल्याउँदछ । यसकारण हामीले आफैलाई सुरक्षा गर्नुपर्दछ र आफैलाई हामी सबैमा ती कनानी स्त्रीको जस्तो बिश्वास हुनु जरूरीछ। “तब ऊ आई, र यसो भन्दै उहाँलाई दण्डवात् गरी, “प्रभु मलाई सहायता गर्नुहोस्।” तर उहाँले जवाफ दिएर भन्नुभयो: नानीहरूको रोटी लगेर कुकुरहरूलाका सामु फ्याँकीदिनु उचित होइन।” अनि उसले भनी: ज्यू प्रभु, तर कुकुरहरूले पनि आफ्ना मालिकहरूको टेबलबाट खसेका टुक्राहरू खान्छन् ।” (मत्ती १५:२५-२६ ) 

अर्को निष्कर्ष के हो भने नामहरु र शब्दहरु जुन विभिन्न भाषामा प्रयोग भएका छन् एउटा भाषाको शब्दलाई सत्य मानेर अर्को भाषाको त्यही शब्दलाई नकार्ने कार्य गर्नुहुँदैन। प्रभु येशूको नामले उहाँको अदभूत व्यक्तित्वलाई दर्शाउँछ अनि उहाँ परमेश्वरका प्रिय पुत्र हुनुहुन्छ भनेर दर्शाउँछ। यसरी नामको बारेमा हामीले छलफल गरेका कुराले हामीलाई सहयोग पुग्यो भन्ने मैले आशा लिएको छु । यस बारेमा अरू भाईहरूले पनि धेरै बताउनेछन्। पछि हाम्रो प्रश्न उत्तर कार्यक्रमको समयमा सबैलाई भेट्ने आशा लिएका छौं । प्रभु येशू हाम्रो आशा हुनुनुहुन्छ । उहाँलाई नै हेरौं । प्रभुले तपाईहरूलाई आशिष दिएका हुन् । 

Lectures by Alfred Bouter- New England Fall Conference 2020.